Ofeliya Sənani bədbəxt hadisə nəticəsində xəsarət alıb

Xalq artisti və tanınmış diktor Ofeliya Sənani bədbəxt hadisə nəticəsində xəsarət alıb. Hadisə bir neçə gün əvvəl baş verib. O, evinin balkonunda olarkən təzyiqi yüksəlib və başı gicəllənərək yıxılıb.

Minval.info xəbər verir ki, Ofeliya Sənani hazırda vəziyyətinin ağır olduğunu və hərəkət etməkdə çətinlik çəkdiyini bildirib. O, qolunun əzildiyini və göyərdiyini, ağrılarının davam etdiyini qeyd edib. Xoşbəxtlikdən, ciddi sınıq yoxdur, lakin ağrılar səbəbindən hələ də həkimə müraciət etməyib və evdə dincəlir.

Xalq artisti səhhətində müəyyən irəliləyiş olduğunu desə də, vəziyyətinin qəfil pisləşdiyini vurğulayıb. O, başgicəllənmə səbəbindən bir neçə dəfə küçədə də yıxıldığını bildirib. Evdə ona kömək edən şəxslərin olduğunu və özünün heç bir iş görə bilmədiyini əlavə edib.