Fuad Əliyev yeni vəzifəyə təyin edildi

Kənd Təsərrüfatı Nazirliyinin tabeliyində fəaliyyət göstərən “Aqrar Tədarük və Təchizat” ASC-də yeni kadr təyinatı həyata keçirilib. Nazir Məcnun Məmmədovun imzaladığı əmrə əsasən, Fuad Əliyev İnzibati idarəetmə departamentinin direktoru vəzifəsinə təyin edilib.

Minval.info xəbər verir ki, Fuad Əliyev bu təyinatdan əvvəl Rəqəmsal İnkişaf və Nəqliyyat Nazirliyinin tabeliyindəki “Bakı Taksi Xidməti” MMC-nin baş direktoru vəzifəsində çalışıb. Yeni vəzifəsində onun inzibati idarəetmə və təşkilati proseslərin təkmilləşdirilməsi, idarəetmənin səmərəliliyinin artırılması və qurumun strateji hədəflərinin həyata keçirilməsinə töhfə verməsi gözlənilir.