Antalyada 5 gündür itkin düşmüş hesab edilən 21 yaşlı Azra Gülendam Haytaoğlunun cəsədi tapılıb.

“Minval.info” “Hürriyet”ə istinadən xəbər verir ki, itkin düşməzdən əvvəl jurnalistika fakültəsinin tələbəsi olan A.Haytaoğlu koronavirus infeksiyasına yoluxduğunu öyrənib.

Bacısının təkidlərinə baxmayaraq, o, şəxsiyyət vəsiqəsini evdə qoyaraq evi tərk edib. Gənc qız daha sonradan telefonda bacısına bir kafedə başqa bir koronaviruslu xəstə ilə söhbət etdiyini və həmin gün onunla qalacağını deyib.

Bundan sonra onunla bir daha əlaqə yaratmaq mümkün olmayıb.

Haytaoğlunun atası qızının tapılması üçün polisə müraciət edib və polis həyata keçirdiyi əməliyyat nəticəsində gənc qızın ən son telefonla inşaat mühəndisi və əmlak satışı üzrə ofisin sahibi Mustafa Murat Ayhanla danışdığını təyin edib.

Aparılan araşdırmalar nəticəsində M. Ayhanın Azranı öldürdüyü məlum olub. O, dindirilmə zamanı cinayəti törətdiyini etiraf edib.

Məlum olub ki, M. Ayhan Azraya təcavüz etdikdən sonra onu boğaraq öldürüb. Mustafa daha sonrada gənc qızın cəsədini hamam otağında 5 hissəyə bölüb, çamadana yığaraq meşəyə daşıyıb və orada basdırıb.

Polislər Azranın başı və sol baldır sümüyünün hələ axtarıldığını qeyd edib.