Yardımlıda yanğın: İki hektar ərazi kül oldu

Yardımlı rayonunun Eçara kəndində açıq ərazidə yanğın hadisəsi baş verib. Fövqəladə Hallar Nazirliyinin məlumatına görə, yanğın barədə məlumat alındıqdan dərhal sonra əraziyə Dövlət Yanğından Mühafizə Xidmətinin Yardımlı Rayon Yanğından Mühafizə Hissəsinin qüvvələri cəlb edilib. Minval.info xəbər verir ki, yanğınsöndürənlərin çevik müdaxiləsi nəticəsində yanğının genişlənməsinə imkan verilmədən qısa müddətdə söndürülüb. Hadisə nəticəsində iki hektar sahədə quru ot yanıb, lakin ətraf ərazilər, o cümlədən yaxınlıqdakı tikililər və hava elektrik xətləri yanğından mühafizə olunub.