TƏBİB sabunçu tibb mərkəzində gips alınması i̇ddialarına CAVAB VERDİ

Sabunçu Tibb Mərkəzində pasiyentlərin gips və binti öz hesabına alması ilə bağlı iddialar gündəmə gəlib. Bu məsələyə aydınlıq gətirmək məqsədilə Tibbi Ərazi Bölmələrini İdarəetmə Birliyi (TƏBİB) açıqlama yayıb.

Minval.info xəbər verir ki, 2026-cı il iyulun 30-da vətəndaş Fərid Fuad oğlu Bayramov Sabunçu Tibb Mərkəzinin Təcili Tibbi Yardım şöbəsinə müraciət edib. O, zəruri tibbi xidmət alıb.

Açıqlamada qeyd olunub ki, həmin gün şöbəyə daxil olan müraciətlərin sayının çox olması səbəbindən bəzi tibbi ləvazimatların ehtiyatında müvəqqəti çatışmazlıq yaranıb. Bu səbəbdən, pasiyentin sağlamlıq vəziyyəti nəzərə alınaraq, zəruri tibbi xidmətin operativ şəkildə təmin edilməsi üçün tibbi ləvazimatların bir hissəsi digər şöbədən gətirilib.

Məşhur diyetoloqdan ideal səhər yeməyi resepti: Tək kəsmik yetərli deyil

ƏLAQƏLİ

Bunu da oxu

Məşhur diyetoloqdan ideal səhər yeməyi resepti: Tək kəsmik yetərli deyil

31.10.2026 - 13:14

Hər nə qədər tibbi xidmətin təmin olunmasında fasilə yaranmış olsa da, pasiyentə tələb olunan tibbi xidmət tam şəkildə icra edilib. TƏBİB, tibbi sərfiyyatın vətəndaş tərəfindən qarşılanması iddialarını qəti şəkildə təkzib edib.

Sabunçu Tibb Mərkəzi, vətəndaşlara keyfiyyətli və fasiləsiz tibbi xidmət göstərməyə daim önəm verdiyini vurğulayıb. Eyni zamanda, oxşar halların qarşısını almaq üçün nəzarət tədbirlərinin gücləndirildiyi bildirilib.

Minval.info