Sumqayıtda 20-yə yaxın maşından oğurluq edilib

Sumqayıt şəhərində 20-yə yaxın maşından oğurluq edən şəxslər saxlanılıb.

Minval.info DİN-ə istinadən xəbər verir ki, şəhər ərazisində avtomobillərdən çoxsaylı oğurluqlar edən şəxslərə qarşı kompleks əməliyyat tədbiri həyata keçirilib. Sumqayıt şəhər sakinləri Ceyhun Ələkbərov və Şükran Xələfov saxlanılıblar. Onların Sumqayıt şəhərində ayrı-ayrı vaxtlarda 14 avtomobildən maqnitofon, səs gücləndirici, akkumulyator və maşınların salonlarında olan digər qiymətli əşyalar oğurladıqları məlum olub.

Avtomobillərdən oğurluq edən daha iki nəfər – Sumqayət şəhər sakinləri Rauf Əliyev və Cavid Səyadzadə saxlanılıb. Bu iki şəxsin şəhər ərazisində 5 nəqliyyat vasitəsindən oğurluq etdyi məlum olub. Saxlanılan şəxslər ifadələrində əsasən qapıları açıq vəziyyətdə saxlanılan avtomobillərdən oğurluq etdiklərini bildiriblər.