Qaxda arvadını bıçaqlayan ər saxlanıldı

Qaxda fermada ər arvadını bıçaqlayıb.

Minval.info xəbər verir ki, hadisə rayonun Ağyazı kənd ərazisindəki fermada baş verib. Belə ki, fermada çoban işləyən, Zaqatala rayon Çobankol kənd sakini Nicat Soltanov həyat yoldaşı Nərminə Məmmədovanı bıçaqlayıb.

Bud nahiyəsindən bıçaq yarası alan Nərminə Məmmədova xəstəxanada tibbi yardım göstərildikdən sonra evə buraxılıb. Hadisənin qısqanclıq zəmnində baş verdiyi məlum olub, Nicat Soltanov saxlanılıb.

Faktla bağlı araşdırma aparılır.