Qatar biletlərinin qiymətində artım nə vaxta qədər qüvvədə olacaq? - YENİ AÇIQLAMA

Ölkə daxilində hərəkət edən sürət və sərnişin qatarlarının gediş haqqı tariflərində dəyişikliklər edilib.

Minval.info xezerxeber.az-a istinadən bildirir ki, Bakı Sərnişin Stansiyasının rəisi Nizaməddin Eminov deyir ki, plaskart, kupe və SV tipli vaqonlara olan tələbatın tənzimlənməsi məqsədi ilə 27 iyuldan etibarən gediş haqları orta hesabla 10% artırılacaq.
Nizaməddin Eminovun bildirir ki, qiymət artımı Bakı-Sumqayıt qatarlarına şamil edilməyəcək. Qiymət artımını zəruri edən səbəblər də açıqlanıb. Başlıca səbəb bu aylarda qatarlara olan tələbin artmasıdır.

Nizaməddin Eminov onu da bildirdi ki, qiymət artımı oktyabr ayına qədər qüvvədə olacaq. Həmin aydan sonra qatarlar əvvəlki tariflə hərəkət edəcək.