Şaban geri qayıdır: Ali Sunal ata yolunda

Yeşilçamın əfsanəvi filmlərindən biri olan “Şabanoğlu Şaban” uzun illərdən sonra yenidən tamaşaçılarla görüşəcək. Bu dəfə filmdə Kemal Sunalın unudulmaz “Şaban” obrazını onun oğlu Ali Sunal canlandıracaq.

Minval.info xəbər verir ki, filmin çəkilişlərinə sentyabr ayının sonunda başlanılması planlaşdırılır. 1977-ci ildə çəkilmiş orijinal film, Türkiyə kinosunun ən unudulmaz əsərlərindən biri hesab olunur. Rejissor Ertem Eğilmezin rəhbərliyi altında çəkilən bu filmdə Kemal Sunal, Şener Şen və Halit Akçatepe kimi məşhur simalar yer almışdır.