Xırdalanda daş sexinə görə 2 500 manat cərimə

Xırdalan şəhərində yerləşən Seyid Əzim Şirvani küçəsində fəaliyyət göstərən daş emalı sexi sakinlərin narazılığına səbəb olub. Sakinlər sexdən yayılan toz və xırda daş qırıntılarının yaşayış evlərinə və avtomobillərə zərər verdiyini bildirirlər. Onların sözlərinə görə, bu problem uzun müddətdir davam edir.

Minval.info xəbər verir ki, Ekologiya və Təbii Sərvətlər Nazirliyinin əməkdaşları ərazidə yoxlama apararaq, sexin fəaliyyətinin atmosfer havasına normadan artıq toz buraxdığını müəyyən ediblər. Bu pozuntu ilə əlaqədar müəssisə barəsində akt tərtib edilib və sexin mülkiyyətçisi Nabat Cəfərova 2 500 manat məbləğində cərimələnib. Eyni zamanda, ərazidə ekoloji vəziyyətin yaxşılaşdırılması və sakinlərin narahatlığının aradan qaldırılması üçün mülkiyyətçiyə icrası məcburi olan ekoloji tələb verilib.