Niyam Salami Şəki Yaylası sahibini ittiham etdi

Müğənni Niyam Salami, Şəki Yaylası istirahət mərkəzində baş verən kanat qəzası ilə əlaqədar narazılığını ifadə edib. O, mərkəzin sahibini məsuliyyətsizlikdə ittiham edərək, kanatın qeyri-peşəkar şəxslərə çəkdirildiyini iddia edib.

Minval.info xəbər verir ki, Niyam Salami, Novxanıda yerləşən restoranında çalışdığı müddətdə də müxtəlif problemlərlə üzləşdiyini bildirib. O, işdən ayrıldıqdan sonra yaşadığı çətinliklərdən danışaraq, “3 ildir mənə əzab verildi. Nə efirdə, nə dost yanında danışa bildim. Səbr etdim, Allaha tapşırdım,” deyə qeyd edib.

Müğənni, keçmiş iş yeri ilə bağlı yaşadığı problemləri də dilə gətirərək, “Müdiriyyətin başıma gətirdiyi oyunlardan danışa bilmirdim. Bir il çalışdım, ikinci il qışa düşdü. Qışda dəniz kənarında məkanlar işləmir,” deyə əlavə edib.