Bərdədə ürəyi dayanan kişi möcüzəvi xilas edildi

Bərdə Rayon Mərkəzi Xəstəxanasında ürək fəaliyyəti dayanan bir şəxsin həyatı uğurla xilas edilib. 1963-cü il təvəllüdlü kişi kəskin stenokardiya diaqnozu ilə xəstəxananın təcili tibbi yardım şöbəsinə yerləşdirilib.

Minval.info xəbər verir ki, pasiyentin ürək fəaliyyətinin dayanması müşahidə edildikdən sonra təxminən 25 dəqiqə ərzində aparılan ürək-ağciyər reanimasiyası və digər təxirəsalınmaz tibbi müdaxilələr nəticəsində onun həyatı xilas edilib.