Qarabağda erməni hərbçi özünü partladaraq intihar edib

Azərbaycanın Rusiya sülhməramlılarının nəzarəti altında olan hissəsindəki Ermənistan ordusunun hərbçisi Parqev Markaryanın üstündəki qumbara ilə özünü partladaraq öldürdüyü ehtimal olunur.

“Minval.info” “Sputnik Armeniya”ya istinadən xəbər verir ki, bu barədə Ermənistan İstintaq Komitəsinin Mətbuat xidməti məlumat yayıb.

Bildirilib ki, onun meyiti dislokasiya yerindən 1,5 km aralıda sağ biləyi qopmuş, döş və qarın boşluğu yaralanmış halda tapılıb.

İstintaqın versiyasına görə, o, bütün xəsarətləri qumbaranın partlaması nəticəsində alıb.