Motosikletlə vurulan qadın xəstəxanada öldü

Biləsuvarda ölümlə nəticələnən yol-nəqliyyat hadisəsi baş verib.

Minval.info xəbər verir ki, hadisə ötən gün Biləsuvar şəhərinin Heydər Əliyev prospektində qeydə alınıb.

Belə ki, 1996-cı il təvəllüdlü Fərid Həsənli “Yamaha” markalı motosikletlə hərəkətdə olarkən piyadanı vurub.

Qəzada xəsarət alan şəhərinin Bakı küçəsinin sakini, 59 yaşlı Əhmədova İradə Əjdər qızı xəstəxanaya çatdırılıb.

Həkimlərin səylərinə baxmayaraq, o, bu gün dünyasını dəyişib.

Qeyd edək ki, motosikletin sürücüsü bu rayonda fəaliyyət göstərən “Azərsun Kənd Təsərrüfatı Məhsulları” MMC-nin əməkdaşıdır.