Mertsin reytinqi rekord səviyyədə enib

Almaniyada keçirilən son sosioloji sorğunun nəticələrinə əsasən, sağçı “Almaniya üçün Alternativ” (AfD) partiyası seçicilər arasında ən çox dəstək qazanan partiya olub. AfD-nin rəyi soruşulanların 27%-nin rəğbətini qazanması partiyanın ölkədəki mövqeyini daha da gücləndirib.

Minval.info xəbər verir ki, sorğunun nəticələrinə görə, Xristian-Demokrat və Xristian-Sosial İttifaqı (CDU/CSU) bloku 20% dəstəklə ikinci yerdə qərarlaşıb. “Yaşıllar” partiyası isə 18% dəstəklə üçüncü sırada yer alıb. Solçular Partiyası və Almaniya Sosial-Demokrat Partiyasının (SPD) hər birinə respondentlərin 12%-i səs verməyə hazır olduğunu bildirib.

Ölkə vətəndaşlarının Kansler Fridrix Mertsin fəaliyyətindən narazılığı isə rekord həddə çatıb. Hökumət rəhbərinin işini müsbət qiymətləndirənlərin nisbəti cəmi 10% təşkil edib ki, bu da “Forsa” tərəfindən indiyədək qeydə alınan ən aşağı göstəricidir. Respondentlərin 88%-i Mertsin fəaliyyətindən narazı olduğunu bildirib, qalanları isə qərar verməkdə çətinlik çəkib.