Ərdoğan: Türk dünyasının ailə fotoşəkilində ayrılığa yer yoxdur

Türk Dövlətləri Təşkilatının 13-cü Zirvə Görüşü “Türk Əsri: Dildə, Fikirdə, İşdə Birlik” mövzusu ilə Türkiyənin ev sahibliyində keçirilir. Tədbirdə iştirak etmək üçün Ankaraya gələn Qazaxıstan Prezidenti Kasım-Jomart Tokayev, Qırğızıstan Prezidenti Sadır Japarov, Özbəkistan Prezidenti Şövkət Mirziyoyev, Şimali Kipr Türk Respublikası Prezidenti Tufan Erhürman, Türkmənistan Prezidenti Sərdar Berdiməhəmmədov, Azərbaycanın Xarici İşlər Naziri Ceyhun Bayramov və Türk Dövlətləri Təşkilatının Baş katibi Kubanıçbek Ömüraliyev Prezidentlik Kompleksində qarşılandı.

Minval.info xəbər verir ki, Prezident Rəcəb Tayyib Ərdoğan zirvənin açılışında çıxış edərək, “Türk dünyasının ailə fotoşəkilində ayrılığa yer yoxdur. Hər birimiz birlikdəyik, əbədi qardaşıq” ifadələrini işlətdi. Ərdoğan zirvənin mövzusunu “dildə birlik, ortaq xəzinəmizi yaşatmaq və bir-birimizi vasitəsiz başa düşmək” kimi izah etdi.

Ərdoğan, Təşkilatın dövr sədrliyini Azərbaycanın üzərinə götürdüyünü bildirərək, “Türkiyə olaraq bu gün Təşkilatımızın dövr sədrliyini Azərbaycandan təhvil alırıq. Azərbaycanlı qardaşlarımıza göstərdikləri səylərə görə təşəkkür edirəm” dedi.

ƏLAQƏLİ

Bunu da oxu

Gürcüstan və Azərbaycan sərhədin delimitasiyasını sürətləndirmək istəyir

30.10.2026 - 14:54

Prezident Ərdoğan, sosial və mədəni tədbirlərə də toxunaraq “Ortaq dilin genişləndirilməsi, mədəni tədbirlərin dəstəklənməsi, səyahətlərin asanlaşdırılması sahələrində irəliləyiş əldə etmək istəyirik. Ailə institutunun gücləndirilməsinə və qadınların cəmiyyətdəki rollarına önəm veririk” ifadələrini işlətdi.

Ərdoğan, həmçinin, “Türk dünyasının doğudan batıya uzanan güclü bir ticarət, nəqliyyat və enerji mərkəzinə çevrilə biləcəyini” vurğuladı. O, İran ilə diplomatik yolların inkişaf etdirilməsinin, Cənubi Qafqazda sülh və sabitliyin təmin edilməsinin əhəmiyyətini qeyd etdi. Ərdoğan, “İranla son dövrlərdə artan gərginliyin diplomatiya ilə həll edilməsini arzulayırıq” dedi.