Maqneziumla zəngin qidalar: 50 yaşdan sonra əzələ itkisini necə azalda bilərik?

Maqneziumla zəngin qidaların davamlı istehlakı, 50 yaşdan yuxarı şəxslərdə yaşla bağlı əzələ kütləsi və güc itkisi riskini əhəmiyyətli dərəcədə azalda bilər.

Minval.info xəbər verir ki, bu nəticə Cənubi Koreya alimlərinin “Frontiers in Nutrition” jurnalında yayımlanan genişmiqyaslı tədqiqatında ortaya çıxıb.

Araşdırma çərçivəsində 50 yaşdan yuxarı 3830 nəfərin məlumatları təhlil edilib. Tədqiqatçılar iştirakçıların gündəlik maqnezium qəbulunu, həmçinin bu mineralın əsas təbii mənbələri olan tam taxıllar, qoz-fındıq, paxlalılar, yaşıl yarpaqlı tərəvəzlər, dəniz yosunu və soya südünün rasiondakı yerini qiymətləndiriblər. Bununla yanaşı, iştirakçıların fiziki hazırlığı və əzələ vəziyyətindəki dəyişikliklər də izlənilib.

Zaqatalada daşlı dava: Şəxsi mübahisə xəstəxanada bitdi

ƏLAQƏLİ

Bunu da oxu

Zaqatalada daşlı dava: Şəxsi mübahisə xəstəxanada bitdi

04.08.2026 - 23:42

Araşdırmanın nəticələrinə görə, ən çox maqnezium qəbul edən şəxslərdə sarkopeniyanın inkişaf riski ən az maqnezium qəbul edənlərlə müqayisədə 53 faiz daha aşağı olub. Hətta maqneziumun dəqiq miqdarı hesablanmadan belə, bu mineralla zəngin qidaları müntəzəm istehlak edən iştirakçılarda da oxşar qoruyucu təsir müşahidə edilib.

Alimlərin fikrincə, bu təsirin əsas səbəbi maqneziumun orqanizmdə xroniki iltihabı azaltmaq xüsusiyyətidir. Belə ki, yüksək maqnezium qəbul edən iştirakçıların qanında iltihabın əsas göstəricilərindən biri olan C-reaktiv zülalın səviyyəsi daha aşağı olub. Bu isə maqneziumun iltihabəleyhinə təsir göstərdiyini ehtimal etməyə əsas verir.

Tədqiqat müəllifləri qeyd edirlər ki, maqneziumla zəngin qidalar sağlam qidalanmanın vacib hissəsi olsa da, bitki mənşəli məhsullardakı maqneziumun yalnız 20–50 faizi orqanizm tərəfindən mənimsənilir. Maqnezium tərkibli qida əlavələri daha yüksək sorulma göstəricisinə malik olsa da, mütəxəssislər onları həkim məsləhəti olmadan qəbul etməməyi tövsiyə edirlər.