Məşhur meyxanaçı təcili əməliyyata götürülüb

Məşhur meyxana ustadı İntiqam axşam saatlarında təcili yardım maşını ilə xəstəxanaya çatdırılıb.

Minval.info xəbər verir ki, sənətçi tibb müəssisəsində müayinə olunduqdan sonra həkim tərəfindən təcili əməliyyat qərarı verilib.

Meyxanaçı əməliyatdan sonra hər şeyin qaydasında olduğunu və bunun uğurla həyata keçdiyini bildirib.

Xatırladaq ki, sənətçi uzun müddətdir bel və ayaq ağrılarından əziyyət çəkib.

İntiqam disk yırtığı ilə əlaqədər uzun müddət müalicələr alıb, amma 4-gün əvvəl belində ağrıları olduğu üçün bir həkimə müraciət edib. Meyxanaçının belində dartılma əməliyatı həyata keçirilib. Bundan sonra onun ayağında zəifləmələr yaranıb və tədricən yeriməsini itirib.

Məlumata görə, sonuncu qısa müddətlik əməliyyatdan sonra İntiqam bu ağrılardan azad olunub və artıq öz normal səhhətinə tədricən geri dönməyə başlayıb.