Kürdəmirdə yol qəzası baş verib - FOTO

Kürdəmirdə iki yük maşını toqquşub, xəsarət alan var.

Minval.info-nun məlumatına görə, AZƏRTAC-ın bölgə müxbir xəbər verir ki, hadisə gecə saat 1 radələrində Bakı-Qazax magistral yolunun rayonun Qarabucaq kəndi ərazisindən keçən hissəsində qeydə alınıb.

Belə ki, “SHAGMAN” markalı yük maşını Ucar istiqamətində hərəkətdə olarkən qarşısında hərəkət edən eyni markalı yük maşınına çırpılıb. Nəticədə sürücü 56 yaşlı Gədəbəy rayon sakini Səmədov Rasim Əsgər oğlu avtomobildə sıxılmış vəziyyətdə qalıb. Sürücünü FHN-nin xüsusi riskli qəza xidmətinin əməkdaşları çıxarıblar. Hadisə zamanı xəsarət alan sürücü Kürdəmir Rayon Mərkəzi Xəstəxanasına yerləşdirilib.

Faktla bağlı araşdırma aparılır.