İki azyaşlı övladı olan ana intihar etdi - Bakıda

Bu gün Xəzər dənizi sahilində intihar edən şəxsin kimliyi məlum olub. “Qafqazinfo”nun verdiyi xəbərə görə, Cəlilabad rayon sakini, 1983-cü il təvəllüdlü Rüstəmova Dilrubə Xalid qızı özünü dənizə atıb.

Həmin zaman o ərazidə bulvarda gəzən Bakı şəhər sakini, 1985-ci il təvəllüdlü Quliyev Ruslan Etibar oğlu qadını xilas etmək üçün özünü suya atıb. Lakin o, qadını xilas edə bilməyib və D. Rüstəmova boğularaq ölüb.

Xilasedicilər Ruslan Quliyevi dənizdən çıxarıblar. Məlumata görə, Binəqədi rayonunda yaşayan D.Rüstəmova iki il əvvəl boşanıb, 2 azyaşlı uşağı var. İntiharın səbəbi bəlli deyil.