Husilərin Məkkəyə dron hücumu zərərsizləşdirildi

Səudiyyə Ərəbistanının hava hücumundan müdafiə qüvvələri, müsəlmanların müqəddəs şəhəri Məkkə istiqamətində uçan husilərə məxsus pilotsuz uçuş aparatını (PUA) ələ keçirərək zərərsizləşdirib. Bu hadisə, Yəməndə Qanuniliyin Bərpası üzrə Koalisiyanın mətbuat katibi Türki Əl-Maliki tərəfindən təsdiqlənib. Onun sözlərinə görə, dron şəhərin cənub tərəfində vurulub.

Minval.info xəbər verir ki, bu hücum, 2017-ci il iyulun 27-də ballistik raketdən istifadə edilərək həyata keçirilən ilk cəhddən sonra Məkkəyə zərbə endirmək üçün ikinci cəhd kimi qiymətləndirilir. Husi rəsmiləri isə Məkkəyə edilən hücumla bağlı iddiaları təkzib ediblər.