Dunayda alman gəmiləri: Suyun çəkilməsi tarixi sirrləri üzə çıxardı

Dunay çayında suyun səviyyəsinin əhəmiyyətli dərəcədə azalması, İkinci Dünya müharibəsindən qalan alman hərbi gəmilərinin üzə çıxmasına səbəb olub.

Minval.info xəbər verir ki, Serbiyanın Prahovo bölgəsində aşkar olunan bu gəmilər, 1944-cü ildə geri çəkilən alman qüvvələri tərəfindən Qırmızı Ordunun əlinə keçməməsi üçün batırılmışdı.

Məlumatlara əsasən, bu ərazidə Dunayın dibində təxminən 200 hərbi gəmi, barja və yedək gəmisinin qalıqları mövcuddur.

ƏLAQƏLİ

Bunu da oxu

Hərbi dəniz qüvvələrində partlayıcılarla təhlükəsiz işləmək üçün yeni məzunlar yetişdi

03.08.2026 - 11:47

Uzun illərdir çayın dibində qalan bu gəmilər, hazırda gəmiçiliyə maneə törədir. Üstəlik, bəzi gəmilərin içərisində hələ də döyüş sursatlarının qala biləcəyi ehtimal edilir.

Serbiya, Avropa Birliyinin dəstəyi ilə batmış gəmilərin sudan çıxarılması və Dunay çayının bu təhlükəli qalıqlardan təmizlənməsi işlərinə start verib.