COVID xəstəsi bazarda alver edəndə tutuldu

Balakən şəhər sakini Səlimət Layıcovanın COVID-19 testi pozitiv olduğu üçün ona ev şəraitində müalicə təyin edilib və sanitar-karantin qaydalarına riayət etməsi tapşırılıb.

Daxili İşlər Nazirliyinin mətbuat xidmətinin Şəki regional qrupundan Minval.info-ya verilən məlumata görə, lakin o, qaydaları kobud şəkildə pozaraq yaşadığı ünvanı tərk edib. Onun mərkəzi rayon bazarında tərəvəz məhsulları satdığı məlum olub. Onunla profilaktiki söhbətlər aparıldıqdan sonra müalicə aldığı evə geri qaytarılıb.

Digərlərinin də sağlamlığı üçün ciddi təhlükə yaradan S.Layıcova barəsində Balakən rayon Polis Şöbəsində cinayət işi başlanılıb.