1 500 manatlıq borc üstündə tanışını bıçaqladı – Məhkəmədən hökm
Lənkəran Ağır Cinayətlər Məhkəməsində borc üstündə tanışını bıçaqlamaqda təqsirləndirilən şəxslə bağlı hökm elan olunub.
Minval.info xəbər verir ki, hakim Aqil Nuriyevin sədrliyi ilə keçirilən prosesdə qəsdən sağlamlığa ağır zərər vurmaqda təqsirləndirilən Rəfael Güləliyev (soyadı şərtidir) 3 il müddətinə azadlıqdan məhrum edilib. Hadisə 2026-cı ilin mart ayında Salyan şəhərində baş verib.
İstintaq materiallarına əsasən, Rəfael Güləliyev tanışı Mahir Rəsulov (soyadı şərtidir) ilə borc məsələsinə görə mübahisə edib. Mübahisə zamanı o, özü ilə gətirdiyi bıçaqla qarşı tərəfə bir neçə zərbə endirib. Bildirilir ki, zərərçəkmiş Güləliyevdən 1 500 manat borcunu tələb etdikdən sonra münaqişə baş verib.
Məhkəmə-tibbi ekspertizasının rəyinə görə, zərərçəkmişin aldığı xəsarətlərdən biri qarın boşluğuna nüfuz edərək həyat üçün təhlükəli hesab olunub, digər xəsarətlər isə yüngül bədən xəsarətləri kimi qiymətləndirilib.
Məhkəmədə ifadə verən Rəfael Güləliyev özünü qismən təqsirli bildiyini, zərərçəkmişə yalnız bir bıçaq zərbəsi endirdiyini deyib. Onun sözlərinə görə, Mahirdən 3 min manat borc alıb, bunun 2 700 manatını qaytarsa da, qarşı tərəf ondan 1 500 manat tələb edib. Təqsirləndirilən şəxs borcla bağlı aralarında əvvəllər də bir neçə dəfə mübahisə yaşandığını bildirib.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Mənzil bazarının gizli tələləri: 'əlimyandı' elanlarına aldanmayın!
İsmayıllıda narkotik təhlükə: Polis 10 ton çətənəni necə məhv etdi?
Ərik, şaftalı və gavalının qabıqları: Fayda və risklər nələrdir?
Binəqədidə bıçaqlanma: 14 yaşlılar arasında nələrin baş verdiyi araşdırılır
