Milyonçu Bəxtiyar Dalinin zorlamağa cəhd etdiyi qadın müğənni imiş

Baku.ws-ın məlumatına görə, Novxanı qəsəbəsindəki məşhur imarəti ilə tanınan Bəxtiyar Dalinin (Qaraşov) ittiham olunduğu cinayətin təfərrüatı üzə çıxıb. Hadisə bu ilin iyul ayında Sumqayıt şəhərindəki hotel-restoranlardan birində baş verib.

Bəxtiyar Qaraşov və iki dostu istirahət məqsədilə həmin obyektə gəliblər. Onlar yeyib-içəndən sonra otağa müğənni sifariş veriblər. İddialara görə, Bəxtiyar və dostları mahnı oxuyan xanımlardan birindən oriyental rəqs etməsini tələb ediblər. Xanım müğənni rəqsi bacarmadığını bildirsə də, Bəxtiyar və dostları onu məcbur ediblər. Daha sonra ona pul qarşılığında cinsi əlaqə təklif edilib, lakin o, bunu rədd edib.

Bəxtiyar Dalinin dostlarından biri digər xanımla kabineti tərk edib. Qaraşov isə digər dostu ilə qapını bağlayaraq qalan xanımı zorlamağa cəhd edib. Müğənninin qışqırığına hotelin sahibi və işçilər gəliblər, qapını qıraraq xanımı xilas ediblər. Hadisə yerinə polis əməkdaşları çağırılıb.

ƏLAQƏLİ

Bunu da oxu

Novxanıdakı "milyonluq saray"ın sahibi Bəxtiyar Dalinin ittihamları açıqlandı

03.11.2026 - 16:44

Bəxtiyar Dali sərxoş vəziyyətdə saxlanılsa da, dostu hadisə yerindən qaçmağa müvəffəq olub. Polis həmin şəxsi də saxlayıb və istintaqa təhvil verib. Faktla bağlı cinayət işi açılıb və Sumqayıt Şəhər Məhkəməsi hər iki şəxs barəsində 4 aylıq həbs qətimkan tədbiri seçib.

Bəxtiyar Dalinin Cinayət Məcəlləsinin 29.149-cu (zorlamağa cəhd) və 145-ci (qanunsuz azadlıqdan məhrumetmə) maddələri ilə ittiham edildiyi məlum olub. O, hazırda Şüvəlandakı istintaq təcridxanasında saxlanılır.