Boşanma zamanı qadına dələduzluqla 163 min manat ziyan vuruldu

Publika.az-ın məlumatına görə, Ali Məhkəmənin Cinayət kollegiyası külli miqdarda ziyan vurmaqla törədilmiş dələduzluq cinayəti üzrə məhkum edilmiş şəxsin kassasiya şikayətinə baxıb.

İttihama görə, daşınmaz əmlakın alqı-satqısı ilə məşğul olan şəxs, ər-arvad arasında boşanma və əmlak mübahisəsindən istifadə edərək qadını aldadıb. O, qadına məxsus mənzil, avtomobil və pul vəsaitlərini aldatma yolu ilə ələ keçirib.

Hadisə 2021-ci ildə baş verib. Qadına məxsus mənzil başqa şəxsin adına rəsmiləşdirilib və üçüncü şəxsə satılıb. Bundan əlavə, qadının avtomobili də eyni üsulla özgəninkiləşdirilib.

ƏLAQƏLİ

Bunu da oxu

Kürdəmirdə vəzifəli şəxs 125 min manatlıq mənimsəmədə ittiham edilir

04.11.2026 - 10:54

Təqsirləndirilən şəxs, mənzilin və avtomobilin satışı, notariat xərcləri və məhkəmə prosesində köməklik göstərilməsi adı ilə qadından ümumilikdə 9800 manat pul alıb. Ümumilikdə qadına 163 800 manat ziyan vurulub.

Bakı Apellyasiya Məhkəməsi birinci instansiya məhkəməsinin qərarını dəyişdirmədən saxlayıb. Ali Məhkəmə isə bu qərarı dəstəkləyərək, dələduzluq cinayətinin sübutlarını təsdiqləyib.