Bakıdan həkim briqadası aparan təcili yardım maşını traktorla toqquşdu

Ağcabədi rayonunda yol qəzası baş verib.

Minval.info report-a istinadən xəbər verir ki, hadisə rayonun Avşar kəndində qeydə alınıb.

Belə ki, Aslan Şəmşir oğlu Məmmədovun idarə etdiyi “Wolkswagen” markalı təcili tibbi yardım maşını ilə “T-28” markalı traktor toqquşub. Nəticədə traktor yoldan çıxaraq aşıb, sürücüsü isə müxtəlif dərəcəli bədən xəsarətləri alaraq Ağcabədi Rayon Mərkəzi Xəstəxanasına yerləşdirilib. Onun şəxsiyyəti dəqiqləşdirilir.

Məlumata görə, təcili tibbi yardım maşını Ağcabədi Rayon Mərkəzi Xəstəxanasına Bakı şəhərindən həkim birqadası gətirirmiş.

Faktla bağlı araşdırma aparılır.