Bakıda qadının boyunbağını qoparıb qaçdılar

Bakıda qadına qarşı soyğunçuluq edilib.

Daxili İşlər Nazirliyindən Minval.info-ya verilən məlumata görə, naməlum şəxs sentyabrın 23-də Biləcəri qəsəbəsi Binəqədi şossesində qəsəbə sakini A.Bayramovanın boynundan qızıl boyunbağını soyğunçuluq yolu ilə qoparıb qaçıb.

Binəqədi rayon Polis İdarəsi 6-cı Polis Bölməsi əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Cəbrayıl rayon sakini N.Paşayev saxlanılıb. Şəxsi axtarış zamanı ondan heroin aşkar edilərək götürülüb.