Bakı dünyada milli zəmində heç bir münaqişə olmayan az sayda olan çoxmillətli şəhərlərdən biridir.

“Minval.info” xəbər verir ki, bu sözləri tanınmış rusiyalı aparıcı və aktyor Leonid Kanevski “Vestnik Kavkaza” nəşrinə müsahibəsində deyib.

“Mən Bakıda dəfələrlə olmuşam və bu füsunkar şəhəri çox sevirəm. Yeri gəlmişkən, burada nümunəvi millətlərarası münasibətlər var. Bakı kimi beynəlmiləl şəhər müxtəlif millətlərin qarşılıqlı münasibətləri baxımından dünyada azsaylı şəhərlərdən biridir”, – deyə o vurğulayıb.

L. Kanevski qeyd edib ki, indiyədək mütəmadi olaraq Bakıya gəlir: “Məndə elə bir təəssürat var ki, hər il orada oluram, çünki bu şəhəri çox yaxşı tanıyıram. Tez-tez Bakıya gedirəm”.