Azərbaycanın qəhrəman qızı: Hökumə əliyevanın unudulmaz həyatı və irsi

Bu gün Azərbaycanın Milli Qəhrəmanı, təyyarə bələdçisi Hökumə Əliyevanın doğum günüdür. Əgər həyatda olsaydı, 35 yaşını qeyd edəcəkdi.

Minval.info xəbər verir ki, Hökumə Əliyeva 8 avqust 1991-ci ildə Kəlbəcərdə dünyaya gəlib. 1993-cü ildə ailəsi ilə birlikdə işğal səbəbindən məcburi köçkün olaraq əvvəlcə Bərdəyə, daha sonra isə Rusiyaya köçüb. Təhsil həyatına Volqoqradda başlayaraq 1-6-cı sinifləri burada tamamlayıb, sonra isə Gəncəyə köçərək təhsilini davam etdirib. Bakı Dövlət Universitetinin Hüquq fakültəsində bakalavr, magistr və doktorantura təhsili alıb.

2016-cı ildən etibarən Azərbaycan Hava Yollarında (AZAL) fəaliyyət göstərməyə başlayan Hökumə Əliyeva, burada əvvəlcə tərcüməçi, daha sonra stüardessa və hüquqşünas kimi çalışıb. 2024-cü ildə Aktau yaxınlığında baş verən təyyarə qəzasında həyatını itirən ekipaj üzvlərindən biri olub. Onun “hər şey yaxşı olacaq!” sözləri yaddaşlarda dərin iz buraxıb.