18.11.2026 - 16:44
Azərbaycanda 117 körpə vaxtından əvvəl doğulub
Səhiyyə 80 baxış

Azərbaycanda 117 körpə vaxtından əvvəl doğulub

Bu ilin ilk doqquz ayı ərzində Azərbaycanda vaxtından əvvəl doğulma diaqnozu ilə 117 körpəyə 276 tibbi xidmət göstərilib. Bu xidmətlər icbari tibbi sığorta çərçivəsində həyata keçirilib.

Publika.az-ın məlumatına görə, bu barədə Əmək və Əhalinin Sosial Müdafiəsi Nazirliyi məlumat yayıb. Nazirlikdən verilən məlumatda bildirilir ki, bu kateqoriyadan olan körpələr hamiləliyin 37-ci həftəsi tamamlanmadan dünyaya gələn uşaqlardır. Onlar adətən az çəki ilə doğulur və müxtəlif sağlamlıq problemləri ilə üzləşirlər.

Vaxtında göstərilən tibbi yardım, xüsusi neonatal qulluq və erkən reabilitasiya xidmətləri bu risklərin azaldılmasında mühüm rol oynayır. Bu xidmətlər körpələrin tənəffüs pozğunluqları, sarılıq, beyin qanaxmaları, görmə və eşitmə problemləri və inkişaf geriliyi kimi problemlərlə mübarizədə əhəmiyyətlidir.

Məlumatda, həmçinin vurğulanıb ki, icbari tibbi sığorta çərçivəsində bu körpələrin müayinə və stasionar müalicəsi də təmin edilir.

Bu xəbəri paylaş:
Link yaddaşa kopyalandı!

Ən son xəbərləri bizim sosial media səhifələrimizdə izləyin!

Ölkədən və dünyadan ən sürətli canlı yayımları qaçırmamaq üçün bizə abunə olun: