Azərbaycanda ən bahalı ixtisaslar açıqlandı

2026/2027-ci tədris ili üçün Azərbaycanda ali təhsil müəssisələrində bəzi ixtisasların illik təhsil haqları 8 min manata qədər yüksəlmişdir.

Minval.info xəbər verir ki, bu məlumat “Abituriyent” jurnalının 4-cü sayında dərc olunub.

I ixtisas qrupu üzrə ən bahalı təhsil haqları ADA Universitetindədir və burada bütün ixtisaslar üçün illik ödəniş 6 000 manatdır. Bakı Ali Neft Məktəbində isə Kompüter elmləri, Data analitikası və İnformasiya təhlükəsizliyi ixtisaslarının hər biri üçün illik təhsil haqqı 4 500 manatdır. Xəzər Universitetində isə bütün ixtisaslar üzrə bu məbləğ 4 500 manat təşkil edir.

Müəllimlərin işə qəbulu: 3 min vakant yer açıqdır

ƏLAQƏLİ

Bunu da oxu

Müəllimlərin işə qəbulu: 3 min vakant yer açıqdır

19.09.2026 - 09:07

II ixtisas qrupu üçün ADA Universitetində Maliyyə ixtisasında ingilis dilində təhsil almaq istəyənlər illik 8 000 manat ödəməlidir. Bakı Ali Neft Məktəbində Biznesin idarə edilməsi və Maliyyə ixtisaslarının hər biri üçün illik təhsil haqqı 4 500 manatdır. Xəzər Universitetində isə bu qrup üzrə ixtisasların illik təhsil haqları 4 500, 5 000 və 5 500 manat arasında dəyişir.

III ixtisas qrupu üzrə Bakı Dövlət Universitetində Hüquqşünaslıq ixtisasının illik təhsil haqqı 4 800 manatdır. ADA Universitetində Beynəlxalq münasibətlər, Dövlət və ictimai münasibətlər, Kommunikasiya və rəqəmsal media ixtisaslarının hər biri üçün illik ödəniş 6 000 manatdır. Hüquqşünaslıq ixtisası üzrə isə bu məbləğ 8 000 manatdır.

IV ixtisas qrupu üzrə ən yüksək təhsil haqları Azərbaycan Tibb Universitetindədir və burada ixtisaslardan asılı olaraq illik ödəniş 4 500-5 000 manat arasında dəyişir. Xəzər Universitetində isə bu qrup üzrə bütün ixtisasların illik təhsil haqqı 4 500 manatdır.