Azərbaycanda gənc xəstəxana işçisi qəfildən ölüb

Balakən rayonunda 26 yaşlı qadın küçədə qəfildən ölüb.

Minval.info-un Report-a istinadən məlumatına görə, hadisə bu gün günorta saatlarında Balakən Rayon Mərkəzi Xəstəxanasının qarşısındakı dayanacaqda baş verib.

Belə ki, rayonun Mahmalar kənd sakini, 1992-ci il təvəllüdlü Aygün İlqar qızı Şibliyeva dayanacaqda marşrut gözləyən zaman qəfildən halı pisləşərək yıxılıb.

ƏLAQƏLİ

Bunu da oxu

Kohatda terror: Ölənlərin sayı 31-ə çatdı

19.09.2026 - 10:45

Hadisə yerində olan sakinlər dərhal ona kömək etməyə və yerdən qaldırmağa çalışıblar. Lakin A.Şibliyeva orada ölüb.

Gənc qadının ölüm səbəbini dəqiqləşdirmək üçün meyit Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Balakən rayon şöbəsinə təhvil verilib.

Qeyd edək ki, A.Şibliyeva Balakən Rayon Mərkəzi Xəstəxanasının işçisi olub.

ƏLAQƏLİ

Bunu da oxu

Yardımlıda yanğın: İki hektar ərazi kül oldu

19.09.2026 - 08:39

Hadisə A.Şibliyeva işdən çıxıb evinə gedərkən baş verib.

Faktla bağlı araşdırmalara başlanılıb.