Azərbaycan Universiteti “Qarabağ Azərbaycandır!” toplusu nəşr edib

Azərbaycan Universitetinin “İpək yolu” elmi jurnalının “Qarabağ Azərbaycandır!” xüsusi buraxılışı nəşr olunub.

“Minval.info” “Qafqazinfo”a istinadən xəbər verir ki, universitetin rektoru Səadət Əliyevanın göstərişi ilə hazırlanan xüsusi buraxılış Azərbaycanın ayrılmaz tərkib hissəsi olan Qarabağın tarixinə, müzəffər ordumuzun erməni işğalçı qüvvələri üzərində böyük qələbəsinə həsr olunub.

Jurnalda yer alan məqalələrdə Qarabağın ən qədim zamanlardan bizim günlərə qədər tarixi əks edilib, bu diyarın Azərbaycan türklərinin əzəli yurdu olması, ata-babalarımızın minillər boyu burada davamlı yaşaması ilkin mənbələr əsasında sübut edilib. Topluda Qarabağın azad edilməsini şərtləndirən amillərin, işğal edilmiş ərazilərdə erməni vandalizmini əks etdirən faktların şərhinə xüsusi diqqət yetirilib.

Xüsusi buraxılış onlayn formatda Azərbaycan Universitetinin saytında da yerləşdirilib.