"YouTube"-un baş ofisinə hücum edən azərbaycanlı qadın imiş - VİDEO

Kaliforniyada “YouTube” şirkətinin qərargahında atışmanı 39 yaşlı Nasim Aqdam həyata keçirib.

Minval.info xəbər verir ki, San Bruno polis şefi Ed Barberini N.Aqdamın atəş açdıqdan sonra intihar etdiyini deyib.

Yeşil Nasim adı ilə tanınan bu qadın “Youtube”a yerləşdirdiyi videolar ilə diqqət çəkirdi. Cənubi azərbaycanlı Nasim Azərbaycan dilində çəkdiyi videolarda insanları veqan olmağa dəvət edirdi. Bu videolardakı gülməli danışıq tərzi və istifadə etdiyi sözlərlə diqqət çəkən Nasim sosial şəbəkə istifadəçilərinin gülüş hədəfinə çevrilib.

Xarici KİV-də yer alan məlumata görə, atası İsmayıl Aqdam şirkət “YouTube”-dakı videolarına görə pul ödəməkdən imtina etdiyi üçün qızı şirkətə qarşı aqressiv olub. Nəticədə o, şirkətə basqın edib və 11 nəfəri yaralayıb.

Minval.İnfo

https://www.youtube.com/watch?v=aoS5smeH25Y