Yeni pandemiya təhlükəsi: Alimlərdən xəbərdarlıq!

Professor Adil Qeybulla, COVID-19 pandemiyasından əvvəl alimlərin yeni bir qrip pandemiyasının baş verəcəyi ilə bağlı elmi proqnozlarının olduğunu bildirib. Onun sözlərinə görə, RNT daşıyıcısı olan qrip virusu hər il mutasiyaya uğrayaraq yeni ştamlarla ortaya çıxır və bu virusun “İspan qripi” kimi pandemiya törədəcək bir variantının meydana gəlməsi qaçılmazdır. Professor qeyd edir ki, pandemiya, yoluxuculuq potensialı preventiv tədbirləri üstələdikdə baş verir. Hər il dünyada qripdən bir milyona yaxın insan vəfat edir ki, bu da koronavirusdan ölənlərin sayına yaxın ciddi bir rəqəmdir.

Minval.info xəbər verir ki, Adil Qeybulla, COVID-19 infeksiyasının zəncirini vaksinasiya vasitəsilə qırmağın mümkün olduğunu vurğulayıb. O, gələcək pandemiyalara hazırlıq üçün COVID-19-dan alınan dərslərin əhəmiyyətini qeyd edib.