Bakıda 'IRONMAN 70.3' triatlon həyəcanı yaşandı

Sentyabrın 5-də Bakıda keçirilən ‘Alufar IRONMAN 70.3 Baku’ beynəlxalq triatlon yarışı paytaxtda əsl idman bayramı ab-havası yaradıb. Yarışa dünyanın 62 ölkəsindən 1500 idmançı qatılıb. İdmançıları marşrut boyunca müşayiət edən ailə üzvləri, yaxınları, azarkeşlər və şəhər sakinləri onları alqışlarla dəstəkləyiblər.

Minval.info xəbər verir ki, müxtəlif ölkələrdən Bakıya gələn qonaqlar yarışın həyəcanı ilə yanaşı, şəhərin gündəlik həyatı və görməli yerləri ilə yaxından tanış olmaq imkanı əldə ediblər. Bakı Bulvarının ‘Yeddi gözəl’ fəvvarəsinin qarşısındakı ərazidə ‘IRONMAN’ kəndi və əyləncə zonası fəaliyyət göstərir. Ziyarətçilər burada ‘IRONMAN’ ab-havasını yaxından hiss edir, müxtəlif əyləncəli və interaktiv fəaliyyətlərdə iştirak edirlər.