Ərəb turistləri niyə azaldı? – Ekspertlər çıxış yolunu açıqladı

Bir zamanlar Azərbaycanın turizm sektorunun əsas dayaqlarından biri olan Yaxın Şərq bazarı yenidən diqqət mərkəzinə qayıdır. Azərbaycan Turizm Bürosu, bu regiondan gələn turistlərin sayını artırmaq məqsədilə avia və turizm şirkətləri ilə danışıqlara başlayıb.

Minval.info xəbər verir ki, Azərbaycan Turizm Bürosunun İdarə Heyətinin sədr müavini Rəşad Əliyev, Yaxın Şərqdən turist axınının artırılması istiqamətində işlərin aparıldığını bildirib. Bu addımların ərəb turistləri yenidən cəlb etmək üçün kifayət edəcəyi və ya əlavə tədbirlərin görülməsinin zəruriliyi müzakirə mövzusudur.

Turizm mütəxəssisi Rəhman Quliyev, Yaxın Şərq bazarının Azərbaycanın turizm sektoru üçün strateji əhəmiyyət daşıdığını vurğulayır. Körfəz ölkələrindən gələn turistlərin adətən ailəvi səyahət etdiklərini, hotellərdə daha uzun müddət qaldıqlarını və xidmət sektoruna daha çox gəlir qazandırdıqlarını qeyd edir. Qlobal turizm bazarında artan rəqabət səbəbindən Azərbaycan ənənəvi bazarlardakı mövqeyini gücləndirməyə çalışır. Yay aylarında Yaxın Şərq ölkələrindəki isti hava şəraiti Azərbaycanın sərin iqlimini cəlbedici alternativə çevirir.

Bakı-Qazax yolunda faciə: Yük maşını ilə toqquşma bir can aldı

ƏLAQƏLİ

Bunu da oxu

Bakı-Qazax yolunda faciə: Yük maşını ilə toqquşma bir can aldı

02.08.2026 - 20:32

Rəhman Quliyevin sözlərinə görə, turist axınının azalmasına təsir edən əsas amillərdən biri geosiyasi vəziyyət və iqtisadi böhrandır. Aviareyslərin sayının azalması və bilet qiymətlərinin bahalaşması da səyahət qərarlarına mənfi təsir göstərib. Aviaşirkətlər və turizm operatorları ilə əməkdaşlıq vacibdir, lakin hədəf bazarlarda davamlı reklam kampaniyaları aparılmalı və Azərbaycanın turizm potensialı rəqəmsal platformalarda daha effektiv tanıdılmalıdır. Yeni turizm məhsullarının yaradılması, vizaların əlçatanlığı və birbaşa uçuşların artırılması da vacibdir.

Turizm mütəxəssisi Günel Şıxıyeva, pandemiyadan sonra və son geosiyasi proseslər fonunda Yaxın Şərqdən Azərbaycana turist axınında azalma olduğunu bildirir. Yaxın Şərq bazarı coğrafi yaxınlığı və yüksək alıcılıq qabiliyyəti ilə seçilir. Körfəz ölkələrindən gələn turistlər adətən ailəvi səyahət edir və beşulduzlu hotellərdə qalırlar. Yaxın Şərqdəki münaqişələr və regiondakı qeyri-sabitlik insanların səyahət qərarlarına təsir edib. Aviabiletlərin bahalaşması və bəzi istiqamətlər üzrə uçuş tezliyinin azalması Azərbaycana səfərləri daha bahalı edib.

Günel Şıxıyeva hesab edir ki, aviaşirkətlər və turizm şirkətləri ilə əməkdaşlıq vacibdir, lakin tək bununla uğur qazanmaq mümkün deyil. Ərəb turistləri qaytarmaq üçün kompleks tədbirlər görülməlidir. Yaxın Şərq ölkələrində intensiv reklam kampaniyaları aparılmalı, tanınmış influenserlər və media nümayəndələri Azərbaycana dəvət olunmalı, ərəbdilli xidmətlər genişləndirilməli və ailə turizmi inkişaf etdirilməlidir.