Yardımlıda icra hakimiyyətində rüşvət əməliyyatı: Həbs uzadıldı

Yardımlı Rayon İcra Hakimiyyətinin Sosial-iqtisadi inkişafın təhlili və proqnozlaşdırılması şöbəsinin müdir müavini Elçin Mirzəyev və baş məsləhətçi Yaşar Eyvazovun həbs müddəti uzadılıb. Məhkəmə qərarına əsasən, hər iki şəxs barəsində seçilmiş həbs qətimkan tədbiri 30 noyabr tarixinədək davam edəcək.

Minval.info xəbər verir ki, Binəqədi rayon Məhkəməsində baxılan işdə təqsirləndirilən şəxslərə qarşı Cinayət Məcəlləsinin 311.3.1-ci maddəsi ilə ittiham irəli sürülüb. Bu maddə rüşvət alma, qabaqcadan əlbir olan bir qrup şəxs və ya mütəşəkkil dəstə tərəfindən törədilən cinayətləri əhatə edir.

Xatırladaq ki, Elçin Mirzəyev və Yaşar Eyvazov Baş prokuror yanında Korrupsiyaya qarşı Mübarizə Baş İdarəsinin aprel ayında həyata keçirdiyi əməliyyat nəticəsində saxlanılmışdı.