Azərbaycanda 13 il əvvəl törədilmiş qətlin üstü açıldı

Publika.az-ın məlumatına görə, 5 avqust 2013-cü il tarixində Şəmkir rayonunda 1967-ci il təvəllüdlü Kifayət Məhərrəmovanın zorakılıq əlamətləri olan meyiti tapılmışdı. Bu faktla bağlı cinayət işi açılmış və istintaq Baş Prokurorluğun İstintaq idarəsi tərəfindən aparılmışdır.

Baş Prokurorluğun Mətbuat xidmətinin verdiyi məlumata əsasən, istintaq nəticəsində 1989-cu il təvəllüdlü Xəyal Məmmədovun tamah məqsədilə Kifayət Məhərrəmovanın evinə qanunsuz daxil olduğu və onu çoxsaylı bıçaq zərbələri ilə xüsusi amansızlıqla öldürdüyü müəyyən edilib. Daha sonra Xəyal Məmmədovun mənzildən təxminən 3 min manat dəyərində pul və qızıl-zinət əşyalarını oğurlayaraq hadisə yerindən qaçdığı məlum olub.

22 sentyabr 2026-cı il tarixində Xəyal Məmmədov təqsirləndirilən şəxs qismində cəlb olunmuş və barəsində həbs qətimkan tədbiri seçilmişdir. Ona Cinayət Məcəlləsinin 120.2.4 (xüsusi amansızlıqla adam öldürmə), 120.2.11 (quldurluqla əlaqədar adam öldürmə) və 181.3.3-cü (quldurluq) maddələri ilə ittiham irəli sürülüb.