Venesuela xarici ölkələrlə münasibəti korlanır: Biri tanımadı, digəri nümayəndəsini çağırdı
Çili Nikolas Maduronun yeni prezidentlik müddətini tanımır və Venesuela ilə əlaqələri aşağı səviyyədə saxlayacaq.
“Report” RİA “Novosti”yə istinadən xəbər verir ki, bunu ölkənin xarici işlər naziri Roberto Ampuero deyib.
“Bu gün Venesuelada demokratiya üçün qara gündür. Bu gün Maduro Venesuela demokratiyası üzərində bir məzar daşı ucaldıb”, – deyə Çilinin Xarici İşlər Nazirliyi nazirin sözlərini sitat gətirib.
Ampuero “Lima qrupu”nun Venesuela ilə bağlı qəbul etdiyi bəyanata bir daha sadiq olduğunu bildirib.
O eyni zamanda qeyd edib ki, Çili hazırda olduğu kimi, Venesuela ilə münasibətləri aşağı səviyyədə saxlayacaq.
Daha əvvəl Peru Venesueladakı müvəqqəti işlər vəkilini geri çağırıb, həmçinin Paraqvay Venesuela ilə əlaqələri kəsdiyini bəyan edib.
Peru hökuməti Nikolas Maduronun 2025-ci ilə qədər prezident vəzifələrinin icrasına başlamasından sonra Venesueladakı müvəqqəti işlər vəkilini məsləhətləşmələr üçün geri çağırıb.
“Perunun Venesueladakı müvəqqəti işlər vəkili, birinci katib Rosa Alvares Nunyes məsləhətləşmələr üçün Limaya çağırılıb”, – deyə məlumatda bildirilir.
Peru Maduronun yeni prezidentlik dövrünü qeyri-legitim hesab edir və müxalifətin nəzarəti altında, lakin faktiki olaraq isə ölkənin siyasi həyatından təcrid edilən birpalatalı parlamentini – Milli Assambleyanı tam dəstəklədiyini bəyan edir.
Peru XİN-i Maduro və onun administrasiyasından olan 100 məmurun ölkəyə girişinə qadağanı təsdiq edib. Perunun bank müəssisələrinə Venesuelanın maliyyə institutları ilə əlaqə yaratmaq qadağan edilib.
Bundan əvvəl Paraqvay Venesuela ilə əlaqələri kəsdiyini elan edib.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Türkiyədə dizel yenidən 100 lirədən ucuzdur
Elşad Namazov Abşeron Logistikadan ayrıldı: 8 ilin sonu
Yusuf Dikeç Derya Arms-da məsləhətçi oldu
Nobel mükafatının məbləği rekord həddə çatdı
Rusiya Ermənistana iqtisadi xəbərdarlıq etdi
Əraqçinin Pekin səfəri: Çin-İran münasibətlərində yeni mərhələ
Qızılın qiyməti yenidən yüksəlir!
