Yusuf Dikeç Derya Arms-da məsləhətçi oldu

Türkiyənin tanınmış atıcısı Yusuf Dikeç, Paris-2024 Olimpiya Oyunlarında qazandığı uğurdan sonra karyerasında yeni bir mərhələyə qədəm qoyub. O, yerli silah istehsalçısı Derya Arms şirkətində məsləhətçi vəzifəsinə təyin edilib. 25 ildən çox təcrübəyə malik olan Dikeç, yeni nəsil yarışma və müdafiə silahlarının hazırlanmasına öz töhfəsini verəcək.

Minval.info xəbər verir ki, bu əməkdaşlıq çərçivəsində yerli anti-dron tüfəngi layihəsinin də həyata keçirilməsi planlaşdırılır. Yusuf Dikeç, türk istehsalı avadanlıqların beynəlxalq yarışlarda istifadəsinin və yerli idmançıların bu avadanlıqlarla uğur qazanmasının əhəmiyyətini xüsusi vurğulayıb.