Türkiyədə dizel yenidən 100 lirədən ucuzdur

Türkiyədə dizel yanacağının qiymətində əhəmiyyətli ucuzlaşma baş verib. Tarixində ilk dəfə 100 türk lirəsi həddini aşaraq rekord qıran dizel yanacağının qiyməti, yeni qəbul edilən qərara əsasən, 4,09 TL endirimlə yenidən 100 TL psixoloji həddinin altına enib.

Minval.info xəbər verir ki, qiymətlərin azalması beynəlxalq neft bazarındakı dalğalanmalar və valyuta məzənnəsindəki son dəyişikliklərlə əlaqələndirilir. Bu addım, ölkə daxilində yanacaq xərclərini azaltmaq məqsədilə atılmışdır.