"Tramp ölümcül səhvlərə yol verib" – İrandan sensasion açıqlama

ABŞ Prezidenti Donald Trump ölümcül səhvlərə yol verib və çıxılmaz vəziyyətə düşüb.

Minval.info xəbər verir ki, bu fikirləri İranın Ali Rəhbərinin hərbi müşaviri Möhsün Rezai “X” sosial şəbəkəsində paylaşdığı açıqlamada səsləndirib.

Rezai bildirib ki, ABŞ prezidenti yanlış qərarları nəticəsində “çarəsiz adam oyunu” vəziyyətinə gəlib.

O, həmçinin ABŞ-nin İranın infrastrukturuna və ölkədəki zəvvarlara qarşı mümkün hücumlarla bağlı səsləndirilən təhdidlərini tənqid edib.

“İranın infrastrukturuna ediləcək hər hansı hücuma cavabımız son dərəcə sərt olacaq”, – deyə Rezai vurğulayıb.

Qeyd edək ki, bundan əvvəl Donald Tramp İranla bağlı hərbi əməliyyatların yenidən başlanması ehtimalını ciddi şəkildə nəzərdən keçirdiyini bildirib. ABŞ lideri əvvəlki əməliyyatlardan daha genişmiqyaslı zərbələrin endirilməsini də istisna etməyib.