Tramp Maduronu dəstəkləyən hərbçiləri təhdid edib

ABŞ prezidenti Donald Tramp bildirib ki, Venesuela liderini dəstəkləyən hərbçilər ölkənin parlament rəhbəri Xuan Quaidonun əfv təklifini qəbul etməyəcəkləri təqdirdə, “hər şeylərini itirəcəklər”.

“Report” xəbər verir ki, bu barədə “The New York Times” nəşri yazıb.

“Siz hər şeyinizi itirəcəksiniz”, — deyə prezident bildirib.

Tramp qeyd edib ki, Maduroya sədaqət nümayiş etdirən kəslər “heç bir təhlükəsiz sığınacaq, asan çıxış, ümumiyyətlə heç bir çıxış” tapa bilməyəcəklər.