TikTok reklamları ilə aldatdı: daşınmaz əmlak dələduzuna 8 il həbs

Bakı Ağır Cinayətlər Məhkəməsində Daşqın Məmmədovun cinayət işi üzrə məhkəmə prosesi keçirilib. O, bir qrup vətəndaşa qarşı dələduzluq etməkdə təqsirləndirilir.

Minval.info xəbər verir ki, hakim Zaur Hacıyevin sədrliyi ilə keçirilən məhkəmə iclasında hökm oxunub. Məhkəmə qərarına əsasən, Daşqın Məmmədov 8 il müddətinə azadlıqdan məhrum edilib.

İddialara görə, Bakıda fəaliyyət göstərən bir alqı-satqı şirkəti “TikTok” reklamları vasitəsilə vətəndaşları aldadıb. Vətəndaşlar mənzil sahibi olmaq ümidi ilə pullarını bu şirkətə yatırıb, lakin nəticədə əllərindəki vəsaitləri itiriblər. Tanınmış bloqerlərin də iştirak etdiyi bu reklam kampaniyaları nəticəsində ümumi ziyan 378 min manat təşkil edib.

ƏLAQƏLİ

Bunu da oxu

Rusiyada azərbaycanlı gəncin keçmiş sevgilisini öldürməsinin təfərrüatı

13.11.2026 - 15:54

Daşqın Məmmədov Cinayət Məcəlləsinin 178.3.2-ci maddəsi ilə ittiham olunub. Bu maddə xüsusilə külli miqdarda ziyan vurmaqla dələduzluq etməyi nəzərdə tutur.