“Taliban” hərbi komissiyasının rəhbəri məhv edilib

Əfqanıstanın Qəznə vilayətində həyata keçirilən hava hücumları nəticəsində “Taliban”ın hərbi komissiyasının rəhbəri məhv edilib.

Ordu.az xarici KİV-lərə istinadən xəbər verir ki, bu barədə Qəzni polisinin mətbuat xidməti məlumat yayıb.

Bildirilib ki, dünən gecə saatlarında Qəzninin Qarabağ bölgəsində hərəkət edən iki maşın koalisiya qüvvələri tərəfindən bombardman edilib.

Əməliyyat nəticəsində aralarında Məvlavi Səhər adlı hərbi komissiya rəhbərinin də olduğu azı 10 qiyamçı məhv edilib.