"Təhsil ilə bağlı bütün qiymətlər endirilməlidir" - DEPUTAT

Bu, nə dərəcədə iqtisadi cəhətdən əsaslandırılmış doğru addım idi? Ölkədə pandemiya dönəmində vətəndaşın gəlirində heç bir artım olmadığı halda təhsil haqlarının artırılması nə dərəcədə düzgün qərardır?

Sözügedən məsələ ilə bağlı Milli Məslicin deputatı Fazil Mustafa nocomment.az-a öz fikirlərini bildirib. Təhsil ilə bağlı qiymətlərin artırılmasının deyil, endirilməsinin tərəfdarıyam deyən deputat bunları söyləyib:

“Ali təhsil müəssiələrində müəllimlərin bir çoxunun aldığı maaş əmək haqqı fonduna daxil olan təhsil haqqı ödəmələrindən formalaşır. Bu addım müəllimlərin sosial rifahının qorunması üçün əsasən nəzərdə tutulub. Amma bu ödənişi edəcək tələbə və ya valideyinin də iş imkanı yoxdursa, təhsili yarımçıq qoya bilməz. Bu səbəbdən də qiymətlərin artırılması deyil, endirilməsinin tərəfdarıyam. Təhsil ilə bağlı bütün qiymətlər endirilməlidir.

Onlayn təhsili isə ənənəvi təhsil ilə eyniləşdirmək olmaz. Təbii ki, müəllim əziyyət çəkir, maaş almalıdır. Müəllimin normal əmək haqqı alması vacibdir, amma bunun başqa bir dotasiya formalarını düşünmək lazımdır. Bunun, tələbənin və ya yoxsul valideyinin, gəlirləri, imkanları azalmış insanların hesabına etmək doğru deyil”.

İllik xərclər üzrə cədvəllərlə buradan tanış ola bilərsiniz.