Mətbuat Şurası Türkiyə mediasını məlumatları yoxlamağa çağırıb

Azərbaycan Mətbuat Şurası, Türkiyənin bəzi media resurslarında və sosial şəbəkələrdə ölkəmizə qarşı yayılan qərəzli məlumatları və manipulyasiya kampaniyalarını narahatlıqla izlədiyini bildirib. Bu barədə Baku.ws-ə Şuradan məlumat verilib.

Şura qeyd edir ki, son günlər Azərbaycanda baş verən hadisələrin yanlış kontekstdə təqdim edilməsi və təsdiqlənməmiş iddiaların fakt kimi yayılması jurnalistikanın prinsiplərinə ziddir. Xüsusilə, ölkəmizin təhsil məsələləri ilə bağlı yanlış məlumatların yayılması, “hicab qadağası” və dini dəyərlərin sıxışdırılması ilə bağlı əsassız iddialar narahatlıq doğurur.

Bildirilib ki, bu kimi yanaşmalar nə obyektiv jurnalistika prinsiplərinə, nə də iki qardaş ölkə arasındakı strateji münasibətlərin ruhuna uyğundur. Mətbuat Şurası Türkiyə mediasını Azərbaycana dair məlumatları etibarlı mənbələrdən yoxlamağa çağırır.

ƏLAQƏLİ

Bunu da oxu

İranın çirkin hicab oyunu: "Sahar Azəri" ifşa olundu

12.10.2026 - 14:14

Şura, həmçinin, bu cür manipulyativ kampaniyaların iki ölkə arasındakı münasibətlərə zərər verə biləcəyini və həqiqətin təhrifinə qarşı prinsipial mövqeyinin davam edəcəyini bəyan edib.