Suraxanıda oğurluq edən şəxs saxlanıldı

Suraxanı rayonunda bir sıra oğurluq hadisələrinə görə şübhəli bilinən şəxs saxlanılıb. Suraxanı Rayon Polis İdarəsinin 33-cü Polis Şöbəsinin əməkdaşları tərəfindən həyata keçirilən əməliyyat nəticəsində 46 yaşlı Elbrus Əhmədovun oğurluq əməlləri ifşa edilib. Araşdırmalar zamanı məlum olub ki, E.Əhmədov Zığ qəsəbəsində yerləşən marketlərdən pul, tütün məmulatları, lotereya biletləri və bir evin zirzəmisindən 8 min manat dəyərində televizor və məişət əşyaları oğurlayıb. Hazırda faktla bağlı araşdırmalar davam etdirilir.